VOORWOORD

Dit is 'n groot jammer dat min mense met duidelike herinneringe van die verlede eintlik die lus het om, wat hulle onthou van die persoonlikhede en plekke, die gewoontes en gebeure van hulle jonger dae, op skrif te stel.  Baie waardevolle en belangrike feite het vir die nageslag verlore gegaan as gevolg van die terughoudendheid van mense wat maar net te beskeie was in hul denke dat wat hulle te vertelle sou hê, van minder belang sou wees vir diegene wat ná hulle sou kom.

So af en toe, wanneer daardie terughoudendheid 'n bietjie onderdruk word en daar word na aksie oorgegaan, en 'n gawe om stories te vertel met 'n kombinasie van manier van uitdrukking en lewendige beskrywing tevoorskyn kom, word mens getrakteer op 'n samestelling van herinneringe en gebeure van die hoogste gehalte, en moontlik ook 'n tikkie patos.

Baie van die vertellinge in hierdie samestelling van stories en verhale is aan my bekend, met die gevolg dat my herinnering daarvan ook geprikkel is en ek dit weer met persoonlike genot kon meelewe.  Ander storietjies weer, is aan my oorvertel en nou dat ek dit op skrif teëkom is dit asof ek al vantevore deel daarvan was.